Trampın qızı mini-libasda həyat yoldaşı ilə görüntüləndi

ABŞ prezidenti Donald Trampın qızı İvanka Tramp Instagram səhifəsində həyat yoldaşı, siyasətçi Cared Kuşnerlə nadir fotolarını paylaşıb.

Bizim.Media xəbər verir ki, İvanka Tramp izləyicilərini Sevgililər Günü münasibətilə təbrik edib və bayram münasibətilə həyat yoldaşı ilə birgə şəkillərini təqdim edib.
 

Fotolardan birində biznes-ledi qızılı mini-libas və brilyant üzükdə poz verib. O, saçlarını açıq və səliqəli formada düzərək makiyaj edib. Cared Kuşner isə qara futbolka, məxmər pencək və şalvarda görüntülənib.

“Sevgililər Gününüz mübarək, aşiq olanlar”, — deyə o, paylaşımını şərh edib.

Ötən həftə İvanka Tramp qardaşı Erik Tramp tərəfindən təsis edilmiş və Sent-Cud Uşaq Tədqiqat Xəstəxanasına dəstək göstərən Curetivity fondunun xeyriyyə tədbirində iştirak edib.

Biznes-ledi qapalı tədbir üçün anası İvanaya məxsus geyimi seçib — payetlərlə bəzədilmiş ağ mini-libas. Obrazını brilyant sırğalar, parlaq klatç və hündürdaban ayaqqabılarla tamamlayıb. Saçlarını topuz şəklində yığaraq axşam makiyajı edib.

Bizim.Media