Generalın vəzifədə olan oğlu ilə yanaşı, bir neçə nəfər də HƏBS EDİLDİ

Dövlət Gömrük Komitəsinin vəzifəli şəxsi və daha bir neçə nəfər qaçaqmalçılıq və digər ittihamlarla həbs olunub.
 

MÖVZU İLƏ BAĞLI:

Fərid Usubov həbs edildi

Bizim.Media “apa.az”a istinadən xəbər verir ki, ümumilikdə 6 nəfər bir sıra cinayətlərdə, o cümlədən, qaçaqmalçılıq və vəzifə səlahiyyətlərindən sui-istifadə etməkdə ittiham olunur.

Onlardan biri - Bakı Hövsan Beynəlxalq Ticarət Limanının rəisi Rəşad Daşdəmirovdur. Ona Cinayət Məcəlləsinin 206.4; 213-1.2.2; 213-1.2.3 və və 308.2-ci maddələri üzrə ittiham elan olunub. Daşdəmirov barəsində məhkəmənin qərarı ilə 2 ay 20 gün müddətinə həbs qətimkan tədbiri seçilib.

Bundan əlavə, Dövlət Gömrük Komitəsinin Dəniz Nəqliyyatı və Enerji Resursları Baş Gömrük İdarəsinin Liman Məntəqəsinin rəisi Fərid Usubov barəsində də 2 ay 20 gün həbs qərarı verilib.

Qeyd edək ki, Fərid Usubov uzun illər Xüsusi Dövlət Mühafizə Xidməti rəisinin müavini işləmiş, general-leytenant Cəbrayıl Usubovun oğludur.

Bizim.Media