Qəzada həyatını itirən Şahbala Vətən müharibəsi iştirakçısı imiş... - FOTO

Xəbər verdiyimiz kimi, bu gün Qubada toy karvanında baş verən ağır yol qəzası nəticəsində 23 yaşlı Şahbala Asəf oğlu Mehdiyev dünyasını dəyişib.

Bizim.Media-nın yerli bürosu xəbər verir ki, Şahbala Mehdiyev Vətən Müharibəsi iştirakçısı olub.
 

MÖVZU İLƏ BAĞLI:

Toy karvanında ağır qəza: 23 yaşlı oğlan öldü

Mərhumun döyüş yoldaşı Aydın Fətiyev saytımıza açıqlamasında bildirib ki, Şahbala döyüşlərdə böyük fədakarlıq göstərib:

“Şahbala Ağdam, Suqovuşan və Xocavənd istiqamətlərində gedən döyüşlərdə iştirak edib. Cəsur və mərd oğlan idi, Vətən üçün canını əsirgəmirdi,” – deyə Aydın Fətiyev bildirib.

Qeyd edək ki, qəza Quba–Xaçmaz yolunun Qubanın Alekseyevka kəndindən keçən hissəsində qeydə alınıb. İlkin məlumata görə, Şahbala Mehdiyev idarə etdiyi “VAZ-2107” markalı avtomobilin sükanına nəzarəti itirib və nəqliyyat vasitəsi yol kənarındakı ağaca çırpılıb.

Gənc sürücü aldığı ağır xəsarətlər nəticəsində hadisə yerindəcə dünyasını dəyişib.