Tramp Putini YANLIŞ ANLADI - Nüvə sınaqlarına başlamaq ƏMRİ VERDİ

ABŞ prezidenti Donald Trampın “nüvə sınaqlarının dərhal başlanacağı” barədə açıqlaması əslində yanlış anlaşılmadan qaynaqlanıb.

Bizim.Media xəbər verir ki, bu barədə Almaniyanın “Die Welt” qəzetinə müsahibəsində Almaniya ordusunun generalı Klaus Vittan bildirib.

Generalın sözlərinə görə, məsələ Trampın Rusiya prezidenti Vladimir Putinin bəyanatını düzgün anlamaması ilə bağlıdır:
 

“Bu, sadəcə bir anlaşılmazlıqdır, çünki Putin nüvə sınağından deyil, daşıyıcı raketin sınağından danışırdı,” – deyə Vittan izah edib.

Onun fikrincə, Trampın bəyanatı eyni zamanda silahlara nəzarət danışıqlarının bərpasına doğru addım kimi də qiymətləndirilə bilər:
 

“Bəlkə də bu, Moskva ilə əvvəlki sazişlərə əsaslanaraq silahlara nəzarət üzrə danışıqlara qayıdış üçün yeni bir yanaşmadır,” – deyə alman generalı vurğulayıb.

Xatırladaq ki, Donald Tramp oktaybrın 30-da ABŞ ordusuna dərhal nüvə sınaqlarına başlamağı əmr edib.

Bizim.Media