İngiltərə klubu baş məşqçini istefaya göndərdi

Nottingem Forest”, bir sıra uğursuz nəticələrdən sonra Angelos Postekoğlunun baş məşqçi vəzifəsindən kənarlaşdırıldığını elan edib.

Bizim.Media xəbər verir ki, bu barədə klub X social şəbəkəsindəki səhifəsində məlumat yayıb.

60 yaşlı mütəxəssis bu ilin sentyabrında “Forest”in baş məşqçisi təyin edilmişdi.

Postekoğlu İngiltərə Premyer Liqasının 8-ci turunda komandası “Çelsi”yə 3:0 hesabı ilə uduzduqdan sonra unikal rekorda imza atıb.

60 yaşlı mütəxəssis “Nottingem Forest” tarixində ilk səkkiz matçında qalib gələ bilməyən ilk baş məşqçi olub. Postekoğlu rəhbərliyi altında “Nottingem” bütün yarışlarda iki dəfə heç-heçə edib və altı dəfə məğlub olub.

“Nottingem Forest” hazırda İngiltərə Premyer Liqasında səkkiz oyundan 5 xalla 17-ci yerdədir.

Rəşad Rafiqoğlu, Bizim.Media