Odessanın meri və sabiq deputat vətəndaşlıqdan məhrum edildi - VİDEO

Ukrayna Prezidenti Volodimir Zelenski bir neçə nəfərin Ukrayna vətəndaşlığından məhrum edilməsi barədə fərman imzalayıb.

Bizim.Media xəbər verir ki, Zelenski bu barədə özünün “Telegram” kanalında yazıb.

“Bəzi şəxslərin Rusiya vətəndaşlığına malik olduğu təsdiqlənib, onlar barədə müvafiq qərarlar hazırlanıb. Fərmanı imzaladım”, – Zelenski qeyd edib.

“Strana” nəşrinin məlumatına görə, Odessanın meri Qennadi Truxanovla yanaşı, Ali Radanın keçmiş deputatı Oleq Çarev və balet rəqqası Serqey Polunin də vətəndaşlıqdan məhrum ediliblər.

Məlumata görə, Truxanov vətəndaşlıqdan məhrum edildikdə avtomatik olaraq Odessanın meri vəzifəsindən çıxarılır.

Hazırda şəhərin idarəçiliyinin kimə həvalə olunacağı dəqiqləşməyib, amma iki ssenari mövcuddur:

Müvəqqəti olaraq mer vəzifəsini şəhər şurasının katibi, “Xalq Xidmətçiləri” partiyasından İqor Koval icra edəcək.

Şəhər hərbi administrasiyası yaradılacaq və başçılıq Kiperin müavini Aleksey Ximçenkoya həvalə olunacaq.

Son xəbərlərə görə, Zelenski Banqlovaya vasitəsilə Odessa üçün hərbi administrasiyanın yaradılmasını nəzərdən keçirməyi tapşırıb, bu isə ikinci variantın daha çox ehtimal olunduğunu göstərir.


Bizim.Media