Zelenski ilə mübahisədən sonra qalmaqallı jurnalist Butusov Azərbaycana qaçıb? - FOTO

Ukrayna prezidenti Vladimir Zelenski ilə canlı efirdə mübahisə edən qalmaqallı ukraynalı jurnalist Yuri Butusov Azərbaycanda ola bilər. Onu Rusiya İstintaq Komitəsinə sorğu-sual üçün ekstradisiya etmək lazımdır.

Bizim.Media xəbər verir ki, bunu “Vladimir Solovyovla axşam” tok-şousunun efirində politoloq Vladimir Kornilov deyib.

Xatrıladaq ki, Ukraynanın “Senzura” nəşrinin baş redaktoru Yuri Butusov Vladimir Zelenski ilə mətbuat konfransı zamanı ona ikibaşlı suallar verib və onu yalan danışmaqda ittiham edib.
 

MÖVZU İLƏ BAĞLI:

Zelenskinin əsirlərlə bağlı siyahısını Ərdoğan Putinə verib? – KREMLDƏN AÇIQLAMA

Bundan sonra jurnalist sosial şəbəkədəki səhifəsində Donbassda separatçılara ağır silahdan atəş açdığı videonu yayıb.

Ukrayna təhlükəsizlik qüvvələri Butusovla maraqlanmağa başlayıblar. Bundan sonra o, məhkəmədə ona qarşı istifadə oluna biləcək ifadələrini sosial şəbəkələrdən tələsik çıxarıb. 

Vladimir Solovyovun studiyasında çıxış edən politoloq Vladimir Kornilov deyib ki, Donbassda dinc əhaliyə qarşı cinayətlərinə görə Rusiyada Butusova qarşı cinayət işi açılmalıdır.
 

Solovyev Rusiya İstintaq Komitəsinin artıq bunu etdiyini xatırladıb. Kornilov isə jurnalistin Rusiyaya ekstradisiya edilməsinin vacibliyini deyib. 

Hazırda Poroşenkonun komandasında çalışan jurnalist cəmiyyətdə kifayət qədər səs-küyə səbəb olan açıqlamaları ilə tanınır.

Əksər ukraynalılar, o cümlədən ekspertlər və bir çox siyasətçilər onu hərbi cinayətdə ittiham edirlər.

Bizim.Media