İsraildə seçkilərin YEKUN NƏTİCƏLƏRİ – Netanyahunun bloku neçə mandat qazandı?

İsraildə səslərin 100 faizi hesablanıb. Baş nazir Benyamin Netanyahunun rəhbərlik etdiyi sağçı blok parlamentdə çoxluq əldə edə bilməyib. Nəticələrə əsasən, onun “Likud” partiyası 27 mandatla ən böyük siyasi qüvvə olub.

Bizim.Media xəbər verir ki, ölkənin Mərkəzi Seçki Komissiyasının (MSK) məlumatlarına görə, Netanyahunun bloku 120 yerlik Knessetdə 53 mandat qazanıb.

Müxalifət bloku isə 48 yerlə kifayətlənib. Parlamentdə çoxluq üçün 61 mandat tələb olunduğundan, hər iki düşərgə bu həddən geri qalıb.

Ərəb partiyalarının ümumilikdə 19 mandat qazanması onları gələcək koalisiya danışıqlarında mühüm mövqeyə gətirib. Bu səbəbdən hökumətin formalaşdırılması prosesində onların mövqeyi həlledici ola bilər.

Digər partiyalardan “Birləşmiş Tövrat Yəhudiliyi” və “Otzma Yehudit” hər biri yeddi, “Şas” və “Dini Sionist Partiyası” isə hər biri altı mandat əldə edib.

Yekun nəticələrdən sonra diqqət yeni hökumətin formalaşdırılması ilə bağlı danışıqlara yönəlib.

İsrail Prezidenti İsaak Hersoqun rəsmi nəticələr açıqlanandan sonra partiya nümayəndələri ilə məsləhətləşərək hökumət qurmaq üçün namizədi müəyyənləşdirməsi gözlənilir. Namizədin müəyyən edilmiş müddətdə hökumət formalaşdıra bilməməsi alternativ namizədin irəli sürülməsinə və ya yeni seçkilərə gətirib çıxara bilər.

Bizim.Media