Sülhməramlılar Xankəndidə ermənilər üçün bunu da etdi  – FOTO-VİDEO

Qarabağda müvəqqəti yerləşdirilən Rusiya sülhməramlı kontingenti Xankəndi şəhərində ermənilər üçün ictimai qəbul təşkil edib.

Bizim.Media “yerevan.today” saytına istinadən xəbər verir ki, eyni zamanda əhali üçün qaynar xətt də fəaliyyət göstərir.  

Mənbə yazır ki, bu xətt vasitəsilə köməyə ehtiyacı olan hər kəs sülhməramlılarla əlaqə saxlayır. Qəbul fərdi şəkildə aparılır. 

Bu günə kimi ictimai qəbul şöbəsinə 6500-dən çox müraciət daxil olub. Bunun da 2000-dən çoxu qaynar xəttə zəng etməklə həyata keçirilib.

Xatırladaq ki, sülhməramlılar ermənilərin Qarabağda qalması üçün dəridən-qabıqdan çıxırlar. Ötən ilin noyabrından başlayaraq xüsusi avtobuslarla erməniləri yenidən Qarabağa gətiriblər, onları ərzaq, yaşayış üçün lazımı avadanlıqlarla təmin ediblər. 

Bizim.Media