Robert Köçəryan rus silahlarını pislədi: “Müharibədə dəqiq vuran raketlər onların deyildi”

Rusiyanın Azərbaycana silah satışı məsələsi bizim üçün daha çox mənəvi məsələdir.

Bizim.Media xəbər verir ki, bunu Ermənistanın ikinci prezidenti Robert Köçəryan oktyabrın 4-də keçirdiyi mətbuat konfransında bildirib.

"Silah bazarı elədir ki, pulunuz varsa və onu silah almağa xərcləməyə hazırsınızsa, tapacaqsınız.

Rusiya silahı olmasa da başqası olacaq. Bu biznesdir. Sübut kimi müharibə zamanı Azərbaycanın qeyri-rus silahlarından olduqca uğurlu istifadə etdiyini gördünüz. Yüksək dəqiqlikli raketlər Rusiyanın deyildi. Buna görə də Rusiyanın Azərbaycana silah satmasının bölgədəki qüvvələr balansını dəyişəcəyini düşünmürəm. Ancaq bu Ermənistanın indiki vəziyyətində mənəvi müstəvidə bir az pis görünür. Ümidvaram ki, Rusiya gərginliyi azaltmaq üçün bizimçün əlverişli bir addım atacaq” - deyən Köçəryan fikirlərini tamamlayıb.

Bizim.Media