Rus şirkəti Ermənistana yenə silah satacaq – TƏFƏRRÜAT

Rusiyanın ORSIS silah markası Ermənistana silah satışlarını davam etdirəcək.

Bizim.Media “RİA Novosti”yə istinadən xəbər verir ki, ORSİS Ermənistan müdafiə nazirliyi ilə əməkdaşlığı bərpa edib.
 

MÖVZU İLƏ BAĞLI:

İrandan Ermənistana gedən TIR-lar Azərbaycana vergi ödəyəcək - RƏSMİ - FOTO

Şirkətin baş konstruktoru Maksim Baymetov bildirib ki, hazırda İrəvanla anlaşma öncəsi danışıqlar gedir:

“Demək olar ki, ORSIS erməni tərəfi ilə əməkdaşlıqda yeni pozitiv səhifə açıb”.

Onun sözlərinə görə, “Ordu-2021” sərgisində ORSIS rəhbərliyi Ermənistanın müdafiə naziri Arşak Karapetyanın başçılıq etdiyi nümayəndə heyəti ilə görüşüb. 
 

Qeyd edək ki, ORSİS tüfəng və s. silahlar üzrə rus markasıdır. 2019-cu ildə ORSIS Ermənistanın hüquq mühafizə orqanlarını silahla təmin edən şirkətlərin qara siyahısına salınıb.

Səbəb isə Ermənistan müdafiə nazirliyinin bir neçə milyonluq hərbi texnika tenderini ləğv etməsi olub.

Bizim.Media