Lavrov: “İrəvan və Ankara münasibətləri normallaşdırmaq üçün dialoq qura bilər”

“Türkiyə tərəfinin Ermənistanın mövqeyi ilə ziddiyyət təşkil edən Dağlıq Qarabağla bağlı tələbi üzündən imzalanma az qala pozulacaqdı. O vaxt iki ölkənin xarici işlər nazirləri uzun müddət mübahisə etdilər, amma nəticədə imzalanma baş tutdu”. 

Bizim.Media xəbər verir ki, bu fikirləri Rusiyanın xarici işlər naziri Sergey Lavrov səsləndirib.

Onun sözlərinə görə, Qarabağ müharibəsi bitdikdən sonra İrəvan və Ankara münasibətləri normallaşdırmaq üçün dialoq qura bilər:

“Moskva bu cür təşəbbüsləri dəstəkləyir”.
 

Diplomat hesab edir ki, o vaxt imzalanan Ermənistan-Türkiyə protokolları Qarabağ münaqişəsinin həll edilməməsi səbəbindən həyata keçirilməyib.

S. Lavrov, həmçinin Rusiyanın və Prezident Vladimir Putinin 2020-ci ildə müharibənin bitməsinə, Qarabağ probleminin həlli ilə bağlı razılaşmalar əldə edilməsinə verdiyi töhfəni xüsusi vurğulayıb.

Bizim.Media