Rusiya Nəqliyyat Nazirliyində daha bir ölüm HADİSƏSİ

Rusiya Nəqliyyat Nazirliyində daha bir ölüm hadisəsi baş verib.

Bizim.Media xəbər verir ki, bu barədə Rusiya mətbuatı məlumat yayıb.

Məlumata görə, “Rusiya Avtomobil Yolları Agentliyi”nin (“Rosavtodor”) Əmlak İdarəetmə Şöbəsinin rəis müavini Andrey Korneyçuk vəfat edib.
 

Moskva şəhərindəki Nəqliyyat Nazirliyinin binasında keçirilən iclas zamanı 42 yaşlı məmur qəfildən ayağa qalxıb, daha sonra yerə yıxılaraq dünyasını dəyişib. Hadisə yerinə gələn həkimlər onun öldüyünü təsdiqləyiblər.

Məmurun ilkin ölüm səbəbi ürək dayanması göstərilir. İddia edilir ki, bu, Starovoytun intiharı ilə bağlı xəbərlər fonunda baş vermiş ola bilər.

Qeyd edək ki, bu gün Rusiya Prezidenti Vladimir Putinin sərəncamı ilə işdən çıxarılan Rusiyanın nəqliyyat naziri Roman Starovoyt intihar edib.

Bizim.Media