"İrəvandan gələn məlumatları çox yaxından izləyirik'' - Dmitri Peskov

Rusiya prezidentinin mətbuat katibi Dmitri Peskov jurnalistlərə açıqlamasında deyib ki, Kreml Ermənistandakı parlament seçkiləri ilə bağlı vəziyyəti yaxından izləyir. 

Bizim.Media xəbər verir ki, bu haqda məlumatı “armeniasputnik.am” saytı yayıb. 

"İrəvandan gələn məlumatları çox yaxından izləyirik. Ermənistan Mərkəzi Seçki Komissiyasının seçkilərin keçirildiyi barədə məlumatını alqışlayırıq. Əlbəttə ki, Paşinyanın partiyasının inamlı qələbə qazandığını görürük", deyə Rusiya liderinin mətbuat katibi qeyd edib. 

Onun sözlərinə görə, Kreml istəyir ki, ölkə davamlı inkişaf yoluna qədəm qoysun.  

Xatırladaq ki, Nikol Paşinyanın rəhbərlik etdiyi "Vətəndaş müqaviləsi" partiyası erkən parlament seçkilərində qələbə qazanıb.  

Bütün 2008 seçki məntəqələrində səslərin sayılması sona çatıb. Ümumi seçici fəallığı 49,4 faiz olub. 

Bizim.Media