Ənvər Həsənovun qızı: “Atamın vəziyyəti ilə bağlı heç ümid yoxdur” - ÖZƏL

Bir müddətdir vəziyyəti ağır olan Xalq artisti Ənvər Həsənovdan xəbər var.

Aktyorun qızı Bizim.Media-ya atasının son sağlamlıq durumu ilə bağlı məlumat verib.

Sənətçinin övladı həkimlərin Ə. Həsənovun səhhəti ilə bağlı ümidsiz danışdığını deyib:
“Vəziyyəti eynidir. Daha irəliləyiş olmayacaq. Çətin olsun. Heç ümid yoxdur”.

Qeyd edək ki, yanvarın 10-da Xalq artisti Ənvər Həsənov halının pisləşməsi səbəbilə Xəzər Tibb Mərkəzinin Terapiya şöbəsinə hospitalizasiya olunub. Aparılan diaqnostik müayinələr nəticəsində ona kəskin işemik insult diaqnozu təyin olunub.

Yanvarın 18-də vəziyyəti stabilləşən Ə.Həsənov adıçəkilən tibb müəssisəsinin Nevrologiya şöbəsinə köçürülsə də, yanvarın 21-də isə aktyorun vəziyyəti yenidən pisləşib. Həkimlərin qərarı ilə onun müalicəsi reanimasiya şöbəsində, daha sonra isə Reabilitasiya Mərkəzində davam etdirilib.

Sara, Bizim.Media