Velosiped yolu ilə hərəkət edən maşının sürücüsü cəzalandırıldı – VİDEO

Xəbər verdiyimiz kimi, sosial şəbəkələrdə paytaxtın mərkəzində 10 NY 090 dövlət qeydiyyat nişanlı avtomobilin qaydaları pozmasını əks etdirən görüntülər yayılıb.

Bizim.Media xəbər verir ki, görüntüdən “Mercedes” markalı avtomobilin sürücüsünün velosiped zolağına daxil olaraq növbəti yol kəsişməsinədək həmin hissə ilə hərəkət etməsi məlum olur.
 

Görüntülər velosipedçilərin, xüsusilə də urbanistlərin narazılığına səbəb olub. Onlar bu kimi əməllərə yol vermiş şəxslərə qarşı sərt tədbirlərin görülməsininin vacibliyini bildiriblər.

Bakı şəhər DYP İdarəsinin bölmə rəisi Toğrul Nəsirli “qafqazinfo.az”ın sorğusuna cavab olaraq bildirdi ki, velosiped yolunda hərəkət edən avtomobilin sürücünün kimliyi müəyyənləşdirilib:

“Sürücü İnzibati Xətalar Məcəlləsinin 327.1-2-ci maddəsinə uyğun olaraq inzibati məsuliyyətə cəlb edilib”.

Qeyd edək ki, 327.1-2-ci maddə 100 manat cərimə və 2 cərimə balını nəzərdə tutur.


Bizim.Media