"Bəzi matçlarda zəif çıxış etməklə xal qazanmaq olur" - Azər Bağırov

"Kəpəz"in baş məşqçisi Azər Bağırov Misli Premyer Liqasının 12-ci turunda səfərdə "Səbail"i 1:0 hesabı məğlub etdikləri matçdan sonra təşkil olunan mətbuat konfransında iştirak edib.

Bizim.Media xəbər verir ki, o, deyib:

"Son görüşlər komandamızın oyununda böyük ruh yüksəkliyi yaratmışdı. Düzdü, oyunumuz istədiyimiz formada alınmadı. Amma, əzm, sonadək mübarizə vardı. Meydançaya əvəzetmədən buraxdığımız futbolçular da çalışdılar özlərini ən yaxşı tərəfdən göstərsinlər.

Elə Camal Cəfərov da belə fərqləndi. Oyundan-oyuna nələrisə daha yaxşı etməyə çalışacağıq. Bəzi matçlarda zəif çıxış etməklə xal qazanmaq olur. "Turan Tovuz" ilə son görüşdə də yaxşı oynadıq, uduzduq. Təki belə nəticəli oyunumuz çox olsun, xallar yığaq. Çempionatımızda yeni nəfəsli "Kəpəz" görək".

Bizim.Media