Zaxarovadan Ermənistana sərt reaksiya: "Strateji səhvlərinə görə Rusiyanı günahlandırır" - VİDEO

Ermənistan Xarici İşlər Nazirliyinin Sergey Lavrovun bəyanatına reaksiyası İrəvanın strateji səhvlərinə görə Rusiyanı necə günahlandırmağa çalışdığının daha bir nümunəsidir.

Bizim.Media xəbər verir ki, bu fikirləri keçirdiyi brifinqdə Rusiya Xarici İşlər Nazirliyinin sözçüsü Mariya Zaxarova səsləndirib.

Xatırladaq ki, bir neçə gün öncə “Biz sülh müqaviləsinin tezliklə bağlanmasının və kommunikasiyaların açılmasının tərəfdarıyıq. Zəngəzurdan keçən kommunikasiyalara gəlincə, təəssüf ki, Ermənistanın baş naziri Nikol Paşinyan tərəfindən imzalanan sazişi sabotaj edən Ermənistan rəhbərliyidir. Belə bir mövqenin mənasını anlamaq çətindir” sözlərini dilə gətirmişdi.

"Əsas odur ki, Rusiya, Azərbaycan və Ermənistan liderləri arasında 2020-2022-ci illərdə əldə edilmiş üçtərəfli sazişlər silsiləsinin ruhuna və hərfinə əməl edilsin”, - Rusiya diplomatik xidmətinin rəhbəri əlavə edib.


Bizim.Media