“Türk Hava Yolları” işçilərinin sayını ARTIRIR 

Türkiyənin milli aviadaşıyıcı şirkəti olan “Türk Hava Yolları” (THY) işçi qüvvəsini 900 pilot və 1000 bələdçi ilə genişləndirməyi planlaşdırır.

Bizim.Media xəbər verir ki, bu barədə THY-nin İdarə Heyətinin sədri Ahmet Bolat məlumat yayıb.

Bolat bildirib ki, aviaşirkət yaxın iki il ərzində “Türk Hava Yolları”nın bütün reyslərini pulsuz internetlə təmin etməyi də planlaşdırır.

Qeyd edək ki, ötən il Türkiyənin milli aviadaşıyıcısı ölkəyə 55 milyard dollar gəlir gətirib ki, bunun da 21 milyard dolları şirkətin xalis mənfəəti olub. 

Bizim.Media