
- A-
- A
- A+
Toy mərasimində atəş açan şəxslər tutuldu - Video
Rusiyanın Surqut şəhərində yaşayış binasının həyətində toy mərasimi zamanı atəş açan şəxslər saxlanılıb.
Bizim.Media xəbər verir ki, hadisə günorta saatlarında baş verib. Polis araşdırma zamanı atəşin bir ədəd boş patronla atəş açmaq üçün uyğunlaşdırılmış tapançadan açıldığını müəyyən edib. Silah ekspertizasından sonra hadisəni törədən şəxslər saxlanılıb.
Atəş açanlardan biri bacısının toyunda özünü “sərt oğlan” (krutoy) kimi göstərmək istədiyini etiraf edib. Digəri isə bu hərəkəti qardaşının toyunu belə qeyd etmək məqsədilə etdiyini bildirib.
Özlərini “qoçaq” kimi göstərmək istəyən şəxslər yaratdıqları təşvişə görə Surqut sakinlərindən üzr istəyib və bundan sonra hərəkətlərini əvvəlcədən düşünəcəklərinə söz veriblər.
Onlara qarşı xuliqanlıq maddəsi ilə cinayət işi açılıb.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.

































































































