“Azərbaycan” pavilyonunda TƏDBİR - “Moskva-Bakı: qəlblər birləşdirir” - FOTO

Moskva Günü ilə əlaqədar Rusiyada, Xalq Təsərrüfatı Nailiyyətləri Sərgisində yerləşən “Azərbaycan” pavilyonunda “Moskva-Bakı: qəlblər birləşdirir” adlı bayram tədbiri təşkil olunub.

Bizim.Media xəbər verir ki, “Azərbaycan” pavilyonunda sərgi-yarmarkanın ziyarətçilərinə Azərbaycan məhsulları təqdim edilib.

Qonaqlar əfsanəvi Azərbaycan çayının dadına baxmaq, həmçinin milli üslubda şəkil çəkdirmək imkanı əldə ediblər.

Sərginin kreativ-bədii meydançasında arzu edən hər kəs Moskva və Bakının görməli yerlərinin rəsmlərini rəngləyib, Azərbaycan paytaxtına və ölkəmizin tarixi yerlərinə virtual tur həyata keçiriblər.

Bayram tədbirinin proqramına milli xoreoqrafiya kollektivlərinin ifasında Azərbaycan mahnı və rəqsləri də daxil edilib.

Bizim.Media