Əməliyyat olunan Naibə Allahverdiyevanın SƏHHƏTİ NECƏDİR? - ÖZƏL 

"Şükürlər olsun ki, hər şey yaxşıdır. Xəstəxanadan çıxmışam və artıq evimdəyəm".  

Bu sözləri Xalq artisti Naibə Allahverdiyeva Bizim.Media-nın əməkdaşı ilə söhbətində deyib.

Hazırda ağrıların olduğunu bildirən sənətkar keçirdiyi əməliyyatı gizli saxlayıb:

"Hazırda biraz ağrılarım var. Səhhətimdə problem yarandı. Tez bir zamanda bu problemi aradan qaldırmaq lazım idi. Mən də əməliyyata qərar verdim. Əməliyyat uğurlu keçdi. Əməliyyatın və problemin nə olduğu haqda danışmaq istəmirəm. Bu mənə aiddir. Allahdan yalnız özümə və ailəmə can sağlığı arzu edirəm. Can sağlığı hər şeydən önəmlidir. Mənim səhhətimlə maraqlandığınız üçün sizə təşəkkür edirəm".  
Qeyd edək ki, ötən həftə N.Allahverdiyevanın həyat yoldaşı Bizim.Media-ya açıqlamasında aktrisanın sinəsindən əməliyyat keçirdiyini və xəstəxanada olduğunu diqqətə çatdırmışdı.

Rəşad Əliyev, Bizim.Media