“Lokomotiv”x9d voleybolçu aldı - FOTO

Moderator.az xəbər verir ki, Bakı klubundan apasport.az saytına verilən məlumata görə, 2015/2016 mövsümündə Azərbaycanı Çempionlar Liqasında təmsil edəcək “dəmiryolçular”x9d amerikalı Kanani Danielsonu rənglərinə bağlayıblar.

Peşəkar karyerasına ölkəsinin Havay Universitetində başlayan 25 yaşlı hücumçu 2008-2012-ci ildə bu təhsil ocağının şərəfini qoruyub. 2012-ci ildə Yaponiyanın “Toyota”x9d klubuna transfer olunan 180 sm boya malik Danielson “Lokomotiv”x9də razılıq verənədək burada çıxış edib. 

Onun Asiya təmsilçisinin heyətində yeganə qazancı “Kurovaşiki kuboku”x9d (2014) olub. Həmin vaxt o, yarışın da ən dəyərli voleybolçusu seçilməsinə sevinib.

Kananinin yapon klubundan ayrılması isə səbəbsiz deyil. Çünki artıq çəkidən də əziyyət çəkən komandanın yeganə legioneri Azərbaycan yığmasının hücumçusu Polina Rəhimovanın “Toyota”x9dya keçidindən sonra “ofsayd”x9da düşüb.

Qeyd edək ki, Danielsonun “Lokomotiv”x9də gəlişi ilə komandadakı oyunçuların sayı 7-yə çatıb. Bakı klubu bu hücumçuya kimi türkiyəli toppaylayıcı Özge Kırdar Çemberci ilə anlaşıb, çexiyalı Aneta Havlikova və serbiyalı Aleksandra Srnçeviçlə müqavilənin müddətini artırıb. Həmçinin, ötən il 2 illik anlaşma imzalanan Oksana Kiselyova, Ayşən Abduləzimova və Ülkər Kərimova (hər üçü Azərbaycan) da komandada çıxışını davam etdirəcək.