Ermənistanın polis rəisi Vladimir Qasparyan İrəvanın mərkəzində keçirilən etiraz aksiyası zamanı jurnalistlərə qarşı tətbiq edilən zorakılığa görə media nümayəndələrindən üzr istəyib.
Xatırladaq ki, bugünə qədər
Azərbaycanda keçirilən aksiyalarda xeyli sayda jurnalist və vətəndaş polis tərəfindən
zorakılığa məruz qalsa da, heç bir polis rəisi və ya hakimiyyət təmsilçisi buna
görə vətəndaş və jurnalistlərdən üzr istəməyə lüzum görməyib.
Məsələ ilə bağlı
Moderator.az-a açıqlama verən AXCP sədrinin müavini Fuad Qəhrəmanlı Azərbaycanda
hakimiyyətin polis zorakılığını sitimullaşdırdığını qeyd etdi:
“Polislərin vətəndaşlara
qarşı zorakı fəaliyyəti dövlət siyasətidir. Ölkədə keçirilən aksiyalarda polis
tərəfindən zorakılığa məruz qalan vətəndaşlarla, jurnalistlərlə bağlı hakimiyyət
nəinki hər hansı üzrxahlıqla çıxış etməyib, əksinə polis zorakılığına hər zaman
haqq qazandırıb. Bu baxımdan Azərbaycanda belə bir örnək yoxdur. Əksinə,
hakimiyyət polis zorakılığını sitimullaşdırmaqla çalışır ki, ictyimaiyyətdə
daha çox qorxu yaratsın. Bu, hakimiyyətin həm hüquqa, həm də öz vətəndaşına
olan münasibətinin göstəricisidir”x9d.
Seymur Əliyev
