Tanınmış təhsil eksperti, əməkdar elm xadimi, professor Şahlar Əsgərov Moderator.az-a açıqlamasında dərs ilinin uzadılması barədə Nazirlər Kabinetinin qəbul etdiyi son qərarın müsbət nəticələrindən danışıb:
"Nazirlər Kabinetinin 30 oktyabr, 2014-cü il tarixli, 362 saylı qərarı ilə "Ümumtəhsil məktəbinin Nümunəvi Nizamnaməsi"ndə dərs ilinin müddətini iki həftə uzatmasını alqışlayıram. Çünki dövlət gənclərin zaman resursuna nə qədər çox sahib çıxarsa, bu bir o qədər yaxşıdır. Çünki onda həm təhsilin, həm də tərbiyyənin səviyyəsi yüksələr.
Biz ilin 52 həftəsinin 32 həftəsindən tədrisdə istifadə edirik. Yəni Təhsil Nazirliyi şagirdlərin vaxt potensialının cəmi 61,5% -dən istifadə edirdi. Nazirlik dərs ilinin müddətini 2 həftə uzatmaqla bu rəqəmi 65 % -ə qaldırdı.
Şübhəsiz, orta məktəblərdə dərs ilinin müddətinin artırılması təhsilin keyfiyyətinin yüksəlməsinə xidmət edən faktordur. Çünki bu yolla şagirdlərin bir günə düşən dərs yükünü azaltmaq və ya daha çox bilik vermək imkanınını artıtrmaq mümkündür. Yay tətilinin qısaldılması ilə mənimsənilən biliyin yaddan çıxmasının qarşısı alınır."
