Kuba Prezidenti: “Ölkəmiz heç vaxt başqa bir imperiyanın müstəmləkəsi olmayacaq”

Kuba heç vaxt başqa bir imperiyanın müstəmləkəsinə çevrilməyəcək. 

Bizim.Media xəbər verir ki, bu barədə Karib dənizi respublikasının prezidenti Migel Dias-Kanel bildirib.

X platformasında paylaşım edən Dias-Kanel qeyd edib: “İki imperiyanın müstəmləkəsi və neomüstəmləkəsi olmağın nə demək olduğunu yaxşı bilən Kuba əmindir ki, heç vaxt yenidən belə olmayacaq”. 

O əlavə edib ki, müstəqillik, suverenlik və öz müqəddəratını təyinetmə hüququ uğrunda axıdılan qan hədər tökülməyib və onlar sonadək müdafiə olunacaqlar.

Bu bəyanat ABŞ Prezidenti Donald Trampın sentyabrın 7-də "Truth Social" sosial şəbəkəsində dərc etdiyi xəritədən sonra gəlib. Həmin xəritədə Kanada, Meksika, Mərkəzi Amerika və Karib hövzəsinin bir sıra ölkələri, o cümlədən Kuba və Qrenlandiya ABŞ bayrağının rəngləri ilə boyanıb. Tramp bu təsviri heç bir şərhlə müşayiət etməyib.

Bizim.Media