CENTCOM: ABŞ Oman körfəzində tankeri vurub - FOTO

Amerika hərbçiləri Oman körfəzində qüvvədə olan məhdudiyyətləri pozduğunu və İrandan neft çıxarmağa cəhd göstərdiyini iddia etdikləri neft tankerini sıradan çıxarıblar.

Bizim.Media xəbər verir ki, bu barədə açıqlamanı ABŞ Silahlı Qüvvələrinin Mərkəzi Komandanlığı (CENTCOM) yayıb.

Komandanlığın məlumatına görə, insident iyunun 9-da saat 23:14-də baş verib.
 

Bildirilir ki, Palau bayrağı altında üzən "M/T Settebello" gəmisi heyətin Amerika qüvvələrinin tələblərinə məhəl qoymamasından sonra, yüksək dəqiqlikli döyüş sursatı ilə mühərrik hissəsindən vurulub.

CENTCOM iddia edir ki, aprelin 13-də "blokada" başlayandan bəri qaydaları pozan 8 gəmi sıradan çıxarılıb, digər 134 gəmi tələblərə tabe olub, humanitar yardım daşıyan 42 gəminin isə keçidinə icazə verilib.