İran Bab əl-Məndəb boğazını bağlamaqla HƏDƏLƏDİ

Bu gün İran parlamentinin sədr müavini Hacı Babayi İsrailin “Hizbullah” mövqelərinə hücumlarını davam etdirməsi halında bölgədəki dəniz keçidləri ilə bağlı sərt addımların gündəmə gələ biləcəyini bildirib. 

Bizim.Media xəbər verir ki, bu barədə “Asr İran” məlumat yayıb. 

Onun sözlərinə görə, belə bir ssenaridə Bab əl-Məndəb boğazının bağlanması ehtimalı istisna edilmir. O, İran parlamentində Hörmüz boğazından keçən gəmiçiliyin tənzimlənməsi ilə bağlı planların müzakirə olunduğunu və bu istiqamətdə “güclü qətnamə” qəbul edilə biləcəyini qeyd edib. 

Babayi vurğulayıb ki, uranın zənginləşdirilməsi İran xalqının hüququdur və bu məsələ heç bir halda danışıqlar mövzusu ola bilməz. 

O, İranın strateji təsir imkanlarına toxunaraq, Hörmüz boğazının regionda “ən güclü vasitələrdən biri” olduğunu bildirib.

Bizim.Media