Buna görə milyonlarla insan işini itirə bilər - Putin

“Süni intellekt texnologiyalarının inkişafı səbəbindən dünyada milyonlarla insan işini itirə bilər və ya peşəsini dəyişmək məcburiyyətində qala bilər”.

Bizim.Media "Kommersant”a istinadən xəbər verir ki, bu barədə Rusiya Prezidenti Vladimir Putin Astanada keçirilən Avrasiya İqtisadi Forumunda çıxışı zamanı bildirib.

Rusiya dövlət başçısının sözlərinə görə, hazırda əmək bazarı yenidən formalaşır və insan əməyini kompüter zəkasının əvəzləməsi bəzi peşələrin tamamilə yox olmasına gətirib çıxara bilər.

Vladimir Putin həmçinin əlavə edib ki, Rusiya hazırda süni intellektin inkişafı üçün suveren platformalar yaradan azsaylı ölkələrdən biridir.

Qeyd olunub ki, aprel ayında keçirilən müvafiq iclas çərçivəsində hökumətə və regionlara süni intellekt texnologiyalarının 2030-cu ilə qədər bütün sahələrdə tətbiqi planının hazırlanması tapşırılıb.

Bizim.Media