Ukrayna hər tərəfdən mühasirəyə alınıb - Rusiyalı diplomatlar ölkəni tərk edirlər

Ukrayna ordusu ötən gecə ölkənin hər tərəfdən mühasirəyə alındığını və rus separatçılarının şərqdə təlimlərə başladığını açıqlayıb. Rusiya diplomatlarının Ukraynanı tərk etməyə başladığı, ABŞ-ın isə bu ölkədəki vətəndaşlarına bir-bir zəng edərək “ölkəni tərk edin” dediyi öyrənilib.

Bizim.Media xəbər verir ki, Ukraynanın xarici işlər naziri Dmitri Kuleba Azov dənizinin tamamilə bağlandığını və onların Qara dənizə çıxışının Rusiya qüvvələri tərəfindən demək olar ki, tamamilə kəsildiyini bildirib.

ABŞ-ın Ukraynadakı səfirliyi də “Twitter” hesabında Rusiyanın hərbi təlimlər bəhanəsi ilə Ukraynanın dəniz suverenliyini məhdudlaşdırdığını əsas gətirərək:

“Rusiya Ukrayna iqtisadiyyatı üçün həyati əhəmiyyət kəsb edən dəniz nəqliyyatını əngəlləyir”, - sözlərini paylaşıb.
Digər tərəfdən, rus diplomatların Ukraynanı tərk etməyə başladığı öyrənilib. “RİA Novosti”yə danışan bir mənbə bildirib ki, Rusiya diplomatları Ukraynanı tərk etməyə başladığı üçün xüsusilə konsulluq və səfirliklərdən görüş təyin edərkən çətinliklər yaranıb.

Mia Quliyeva, Bizim.Media