Italiyada dövlət sektorunda çalışan yüz minlərlə işçi paytaxt Romaya axışaraq hökümətin “əmək islahatları” planına qarşı etiraz edib.
Məlumata görə, kütləvi nümayiş İtaliyanın ən böyük həmkarlar ittifaqı olan İtaliya Baş Əmək Konfederasiyası tərəfindən təşkil olunub. İşçiləri narazı salan İtaliyanın baş nazir Matteo Renzinin bu yaxınlarda əmək sistemi ilə bağlı təklif etdiyi tədbirlər paketi olub.
Tədbirlə paketində büdcə xərclərinin azaldılması üçün işsizlik müavinətlərinin və bir sıra iş yerlərinin ixtisarı nəzərdə tutulur. Yeni tədbirlər paketində italiyanları narazı salan digər məqam, işə götürənlərin işçiləri bundan sonra asanlıqla işdən qova bilməsidir.
