Ukrayna ordusunun vurduğu separatçılara məxsus tankların video görüntüləri yayılıb.
ANS PRESS-in məlumatına görə, separatçıların Mariupol şəhərinə təşkil etdiyi hücum zamanı Novoazovsk yolunda vurulan tankların birinin işləyən mühərrikinin səsi görüntülərdə əks olunub.
Vurulan tankların heyət üzvlərinin ən azından yaralandığı ehtimal olunur. Belə ki, görüntülərdə asfaltın üzərində qan ləkələri görünür.
Tankların üzərində ağ rənglə yazılan Moskva sözü diqqət çəkib.
Qeyd edək ki, dünən Ukrayna üçün olduqca strateji bir yer olan Mariopol şəhərinə təşkil edilən hücumda separatçılar istəyinə nail ola bilməmişdi. Bu gün isə Ukrayna höküməti ilə separatçılar arasında atəşkəs imzalanıb.
