Tayyib Ərdoğanın prezident seçilməsi halında AKP-də
yeni bir dönəm
başlayacaq. Əgər Ərdoğan seçkilərin birinci turu
prezident seçilərsə, 28 avqusta qədər partiyanın başında qalacaq. O, prezident kreslosuna oturmaq üçün and içmə mərasiminə qədər baş nazir vəzifəsindən və AKP
başqanlığından istefa verməlidir. Məhz
AKP-də ciddi dəyişiklər də bundan sonra başlayacaq.
Bəs boşalan baş nazirlik kürsüsünə kim oturacaq?
Moderator.az xəbər verir ki, Türkiyə
mətbuatının yazdığına görə, Ərdoğanın namizədliyi rəsmi olaraq açıqlandıqdan
sonra bu istiqamətdə hərəkətlilik artmaqdadır.
Baş
nazirlik postuna və partiya başqanlığına
gətirilə biləcək bir neçə nəfərin adı müxtəlif dairələrdə hallanmaqdadır. Habertürkün
xəbərinə görə baş nazir və AKP başqanlığına gətirilə biləcək əsas
namizədlər arasında keçmiş Nəqliyyat, Dənizçilik
və Kimlik naziri Binəli Yıldırımın, sədr müavini Mehmet Ali Şahinin, Abdullah Gülün,
Bülent Arınçın və Bəşir Atalayın adları hallanır.
Türkiyə prezidenti Abdullah Gülün
partiyanın başına keçməsi üçün 45 gün içində qurultay keçiriləcəyi mümkün
görünür. Gülün baş nazir olacağı təqdirdə ya erkən seçki keçirilməli, ya da
2015 seçkilərində namizəd olaraq millət vəkili seçilməlidir.
