Tələbə Qəbulu üzrə Dövlət Komissiyasının (TQDK) sədri Məleykə Abbaszadə ali və orta ixtisas təhsili müəssisələrinə qəbul kampaniyası ilə əlaqədar iyulun 31-də abituriyentlər üçün videokonfrans keçirəcək.
Rabitə və Yüksək Texnologiyalar Nazirliyinin Elektron Hökumət Təlim-Tədris Mərkəzində təşkil olunacaq konfrans saat 15:00-da başlanacaq.
Moderator.az-ın məlumatına görə, videokonfransda Sumqayıt, Gəncə, Mingəçevir, Lənkəran, Şirvan, Şamaxı, Şəki və Şərur şəhərlərində yaşayan abituriyentlər onlayn rejimdə iştirak edə bilərlər.
Bunun üçün konfrans keçirilən mərkəzlərə saat 14:00-da gələrək qeydiyyatdan keçmək tələb olunur. Konfransa qoşulmaq istəyən abituriyentlər Elektron Hökumət Təlim-Tədris Mərkəzinin qeyd olunan şəhərlərdə yerləşən ünvanlarına müraciət edə bilərlər.
Gəncə şəhəri: Əhməd Cəmil küçəsi, ev 1
Mingəçevir şəhəri: Vəli Hüseynov küçəsi, 4
Lənkəran şəhəri: Heydər Əliyev küçəsi, 1
Sumqayıt şəhəri: Heydər Əliyev prospekti, 4
Şəki şəhəri : M.Ə.Rəsulzadə küçəsi, 156 A
Şirvan şəhəri : M.Ə.Rəsulzadə küçəsi, 1
Şərur şəhəri: Heydər Əliyev prospekti, 37A
Qeyd edək ki, konfransda abituriyentlərə qəbul prosesi ilə bağlı bir çox vacib məlumat və tövsiyələr verilməklə yanaşı, onları maraqlandıran suallar da cavablandırılacaq.
