Sumqayıtda yaşayış binalarından birinin həyətində sahibsiz itlərin davası təhlükəli anlarla yadda qalıb.
Bizim.Media xəbər verir ki, hadisə təhlükəsizlik kamerası tərəfindən qeydə alınıb.
Görüntülərdə bir qrup sahibsiz itin digər itə hücum etdiyi əks olunur. Bu zaman ərazidən keçən vətəndaş dərhal hadisəyə müdaxilə edib. O, itləri qovaraq davanın qarşısını alıb və hücuma məruz qalan heyvanı xilas edib.
Qeyd edək ki, son vaxtlar Sumqayıtda sahibsiz küçə itlərinin sayının artması sakinlərin narahatlığına səbəb olub. Şəhər sakinləri yaşayış məhəllələrində və binaların həyətlərində sahibsiz heyvanların çoxalmasının təhlükəli vəziyyət yaratdığını bildirir.
Bizim.Media
