Kakao və isti şokoladın təzyiqə təsiri: Alimlər əsas faydaları açıqladı

Alimlərin araşdırmalarına görə, isti kakao və tünd şokolad ürək sağlamlığı üçün faydalı ola bilər.

Bizim.Media xəbər verir ki, bu barədə Verywell Health yazıb.

Flavanollarla zəngin kakao qan damarlarını qoruyur, arterial təzyiqi və xolesterin səviyyəsini azaltmağa kömək edir.

Mütəxəssislər bildirirlər ki, ən azı 70% kakao tərkibli tünd şokolad ürək-damar sisteminə müsbət təsir göstərir. Araşdırmalar həmçinin göstərib ki, yüksək flavanollu kakao içkiləri uzun müddət oturmağın damarlar və təzyiqə vurduğu zərəri qismən azalda bilər.

Bununla yanaşı, alimlər xəbərdarlıq edirlər ki, şəkər əlavə olunmuş kakao və şokolad eyni faydanı vermir. Həddindən artıq şəkər qəbulu hipertoniya, iltihab və ürək xəstəlikləri riskini artıra bilər.

Mütəxəssislər maksimum fayda üçün şəkərsiz və ya az şəkərli, yüksək kakao tərkibli məhsullara üstünlük verilməsini tövsiyə edirlər.

Bizim.Media