“Azərbaycan
Yazıçılar Birliyinin bəyanatı göstərdi ki, Anar yenə öz sifətində, daha doğrusu
sifətsizliyindədir. Belə olmasaydı, Anar öz sifətini AYB-nin mətbuat xidmətinin
maskası altında gizlətməzdi”.
Bu sözləri Moderator.az-a verdiyi açıqlamada Əkrəm Əylisli bildirib.
Əkrəm
Əylisli deyib ki, Anar AYB-yə sədr seçiləndən sonra mənimlə dost, yoldaş kimi
yox, vəzifə və dövlət adamı kimi danışıb: “Özü də 30-50-ci illərin şeytani
havasında. Artıq bu adama görə onun əleyhinə olan fakt, fakt sayıla bilməz.
Anara həqiqətin deyilməsi lazım deyil, həqiqəti deyənlərin susması lazımdır.
Anar bu niyyətini həyata keçirmək üçün məndən başlayıb Sabir Əhmədovda davam
elətdirib. Sabiri “Ədəbiyyat” qəzetindən uzaqlaşdırmaqla bu qəzeti axtalayıb,
kişilikdən salaraq öz şəxsi ədəbi maraqlarının xacəsinə çevirdi. Bu adam
bacarsaydı, ona ləbbek deməyənləri AYB-nin qapısından içəri buraxmazdı”.
Moderator.az-a
açıqlama verən Azərbaycan Yazıçılar Birliyinin katibi Rəşad Məcid Əkrəm
Əylislinin bu fikirlərinə münasibət bildirmək istəmədi:
Əkrəm Əylisli
kimdir ki, onun fikirlərinə münasibət də bildirim? Bu adam hələ siz anadan
olmamışdan bu formada danışıb və indi də danışmağa davam edir. Mən onun
fikirlərinə heç bir münasibət bir münasibət bildirmək istəmirəm.”
Xəyal Əzizov
