Lənkəranda da dağlıq ərazidə yanğın baş verdi - VİDEO

Lənkəranda dağlıq ərazidə yanğın baş verib.

Bizim.Media-nın yerli bürosu xəbər verir ki, Lənkəran rayonunun ucqar dağ kəndi olan Gərgiranda açıq sahədə başlayan yanğın Hirkan Milli Parkının ərazisinə keçib. 

Hadisə bələdiyyəyə məxsus təxminən 2 hektar ərazidə qeydə alınıb.

Əraziyə Fövqəladə Hallar Nazirliyinin Lənkəran Yanğından Mühafizə Hissəsinin 2 texnikası və 15 nəfərlik şəxsi heyəti cəlb olunub. Həmçinin aidiyyəti qurumların nümayəndələri və Hirkan Milli Parkının rəhbərliyi də hadisə yerinə gedib.
 

Yanğın lokallaşdırılıb. Hazırda bəzi sahələrdə tüstülənmə müşahidə olunsa da, yanğın tam nəzarət altındadır.

Qeyd edək ki, bu gün Gədəbəydə də dağlıq ərazidə yanğın olub. Yanğın nəticəsində 1.5 ha sahədə quru ot və kol-kos yanıb.


Sabutay, Bizim.Media, Cənub bürosu