Milli Şura mitinqi niyə 31 mart tarixinə saldı...

Müxalifət növbəti mitinqi martın 31-də saat 15:00-da “Məhsul” stadionunda keçirməyi planlaşdırıb.

Lakin mitinq üçün seçilən tarixin uğurlu olmadığını deyənlər kifayət qədərdir. Düşünülür ki, 31 mart tarixi azərbaycanlılara qarşı erməni-daşnak qüvvələrinin soyqırımı törətdiyi gündürxa0 vəxa0 soyqırımının 100 illiyinin tamam olduğu tarixdə Milli Şuranın mitinq keçirib, seçkilərlə bağlı hər hansı münasibət bildirməsi düzgün deyil. Hətta mitinqin, şəhidlərin ruhuna hörmət olaraq xa0təxirə salınması fikirləri də səsləndirilir.

Moderator.az xəbər verir ki, məsələ ilə bağlı Milli Şuranın mətbuat xidmətinin rəhbəri Oqtay Gülalıyevxa0Modern.azxa0saytına açıqlama verib. O, Milli Şuranın 31 mart tarixini seçmə səbəbindən danışıb:

“31 mart bildiyiniz kimi Azərbaycanlıların soyqırımı günüdür və çox ağrılı tarixdir. Düşünürəm ki, 31 mart tarixində mitinq keçirilməsi tarixi hadisələrlə üst-üstə düşməsixa0 baxımından çox mühüm, əlamətdar gündür. Çünki illərdir, insanların toplum halında bir yerə yığışıb erməni vəhşiliyinə etiraz etməsi ilə bağlı keçirilən aksiyalarımız elə də çox deyil.xa0 Baxmayaraq ki, biz Xocalı soyqırımınıxa0 və ya digər bu tipli hadisələri qeyd edirik, o qədər də kütləvilik təşkil etmir. Söhbət müxalifətdən, Milli Şuradan getmir”.

O. Gülalıyev qeyd edib ki, cəmiyyət, xalq olaraq bu cür xa0toplantılar az olur:xa0

“31 martı həm də ona görə seçdik ki, bu tarixdə erməni soyqırmına etiraz edək. Bizim əsas məqsədlərimizdən biri ermənilərin azərbaycanlılara qarşı törətdiyi soyqırıma etirazxa0 etmək, erməni vandalizmini pisləməkdir. Eyni zamanda, bu mitinq 11 aprelə təyin olunmuş növbədənkənar seçkilərə münasibətdir. Hesab edirəm ki, mitinqimiz normal bir günə təsadüf edir”.