Ağdam rayonunda bu yol 22 ildir təmir edilmir - VİDEO

Ağdam rayonunun Ergi kəndi və qəsəbəsinin yolu uzun illər təmir olunmadığından yararsız vəziyyətə düşüb.

Bizim.Media oxu.az-a istinadən xəbər verir ki, by barədə qəsəbə sakinləri danışıb.

Onların sözlərinə görə, Ergi kəndinə qədər olan yeddi kilometrlik məsafə bərbad vəziyyətdədir. Məhz buna görə sakinlərin hərəkəti, rayon mərkəzinə gəliş-gedişləri problemə çevrilib.

Onlar bildiriblər ki, magistrala tək çıxışı olan kənd yoluna bu vaxta qədər bir dəfə də olsun asfalt örtüyü döşənməyib:

“22 ildir bu zülmü çəkirik. Xəstəmizi həkimə apara bilmirik. Yasımız düşür, heç bir qohum gəlmir”.

Məsələ ilə bağlı Avtomobil Yolları Dövlət Agentliyindən bildirilib ki, Ergi qəsəbəsi üzrə avtomobil yolunun yenidən qurulması ilə bağlı maliyyə vəsaitinin ayrılması nəzərdə tutulur.