Bəstəkar Sevinc Tofiqqızı Türkiyədən daha bir mükafata layiq görülüb.
Türkiyə Azərbaycan arasındakı mədəni əlaqələr yolunda atdığı addımlarla şöhrət qazanan azərbaycanlı bəstəkar Sevinc Tofiqqızı, Atatürk, 23 Aprel Uşaq Bayramı və baş nazirliyi dövründə Rəcəb Tayyib Ərdoğana həsr etdiyi musiqi parçalarıyla Türkiyədə diqqətləri üzərinə çəkib. Bununla əlaqədər olaraq, Türkiyədə xanım Tofiqqızına “Başarılı Nişanı” mükafatı təqdim olunub. Mükafat bəstəkara Ankara Mədəniyyət və İncəsənət Platforması Başçısı pedaqoq və yazıçı Sultan Özateş verib.
Qeyd edək ki, Türkiyənin Azərbaycandakı səfirliyinin Mədəniyyət və Tanıtma müşavirliyi, Türkiyənin Mədəniyyət Nazırliyinin dəstəyi ilə Türkiyəyə gedən Sevinc Tofiqqızı bir neçə gün öncə Kərkük Mədəniyyət Dərnəyinin və Türk dünyasına vermiş olduğu xidmətlərinə görə mükafatlandırılmışdı.(ans)
