Samvel Karapetyan: Paşinyan məni istəyimdən məhrum edə bilməz

Ermənistanın müxalif siyasətçisi, "Güclü Ermənistan" Partiyasının lideri, iş adamı və xeyriyyəçi Samvel Karapetyan Baş nazir Nikol Paşinyanın onu xeyriyyəçilik imkanlarından məhrum edəcəyi ilə bağlı bəyanatına münasibət bildirib.

Bizim.Media xəbər verir ki, Karapetyan jurnalistlərə açıqlamasında Paşinyanın belə bir addım atmasının mümkün olmadığını deyib.

"Mən Paşinyan hələ doğulmamışdan əvvəl xeyriyyəçiliklə məşğul olurdum. Ermənistan, erməni xalqı və bütün ermənilər üçün bunu etmişəm, edirəm və edəcəyəm. Heç kim məni bu istəyimdən məhrum edə bilməz", – deyə o bildirib.
 

Karapetyan hakimiyyəti ölkədə müsadirə olunmuş əmlakı idarə etmək qabiliyyətinin olmamasında ittiham edib və indiki hökumət dövründə Ermənistana ciddi xarici investisiyaların gəlmədiyini iddia edib.

O əlavə edib ki, müxalif qüvvələrin nümayəndələri ilə hər həftə görüşlər keçirilir və hakimiyyətin dəyişdirilməsi istiqamətində əməkdaşlıq davam edir. Bununla yanaşı, mübarizənin yalnız qanuni yollarla aparılacağını və ölkənin sarsıntılara sürüklənməyəcəyini vurğulayıb.

Karapetyan, həmçinin bildirib ki, hakimiyyət dəyişikliyi uğrunda mübarizənin uğur qazanması üçün öz rolunu vacib hesab edir.

Bizim.Media