Rusiya xarici işlər naziri Sergey Lavrov NATO ilə Rusiya arasında birbaşa toqquşmanın fəlakətli nəticələrə yol açacaq nüvə müharibəsinə çevrilə biləcəyi barədə xəbərdarlıq edib.
Bizim.Media xəbər verir ki, bu barədə Lavrovun Rusiya XİN-in rəsmi saytında dərc olunan "Ukrayna, Avropa və qlobal təhlükəsizlik" adlı məqaləsində qeyd olunub.
Rusiya diplomatiyasının rəhbəri Avropa və Rusiya münasibətlərindəki mövcud böhranı kəskin tənqid edib.
Məqalədə Lavrov qeyd edib ki, vahid Avropa hələ də ekspansiya (yeni ərazilər mənimsəmə) xəyalları ilə yaşayır, Ukrayna və Moldovanı tam nəzarətə götürmək niyyəti güdür, həmçinin Ermənistanı da öz təsir dairəsinə çəkməyə çalışır.
Nazirin fikrincə, bu cür siyasət qlobal təhlükəsizlik üçün ciddi risklər yaradır: "NATO ilə Rusiya arasında birbaşa toqquşma sürətlə fəlakətli nəticələri olacaq nüvə zərbələri mübadiləsinə çevrilə bilər".
Rusiya XİN rəhbəri Avropanın, xüsusən də nüvə sahəsində öz hərbi potensialını gücləndirməsindən narahatlığını ifadə edib. O, Paris sülhünün və Fransanın bəzi Aİ və NATO ölkələrinə "nüvə çətiri" vermək niyyətinin dərindən narahatlıq doğurduğunu və bu addımın Fransanın öz təhlükəsizliyinə heç bir töhfə verməyəcəyini vurğulayıb.
Lavrov, Prezident Vladimir Putinə istinadən, Avropanın Rusiyaya təcavüzkar planlar aid etmək cəhdlərini "təxribat və büdcə vəsaitlərini mənimsəmək üçün dezinformasiya" adlandırıb.
Qeyd edək ki, Şimali Atlantika Alyansı (NATO) da Rusiya ilə mümkün münaqişə ilə bağlı narahatlıqlarını gizlətmir. İyunun 12-də Almaniya Quru Qoşunlarının baş komandanı Kristian Froydinq (Christian Freuding) bəyan etmişdi ki, Almaniya ordusu 2029-cu ilə qədər, bəlkə də daha tez, Rusiyanın mümkün hücumuna qarşı tam hazır vəziyyətə gətirilməlidir.
Bizim.Media
