Paşinyandan ETİRAF: “Ən vacib məsələ Azərbaycanla müzakirələrə başlamaqdır”

Paşinyan Türkiyə ilə münasibətləri tənzimləməyə hazır olduğunu açıqlayıb.

Bizim.Media “Sputnik Armenia”ya istinadən xəbər verir ki, Ermənistanın baş naziri bu fikirləri hökumətin bugünkü iclasında deyib.

O, bildirib ki, qonşu ölkələrlə münasibətləri yaxşılaşdırmaq və ya tənzimləmək Ermənistanın xarici siyasətinin vacib istiqamətlərindən biri olacaq.
 

MÖVZU İLƏ BAĞLI:

Paşinyan qonşu ölkəyə səfər edəcək – TARİX BƏLLİ OLDU 

“Türkiyə prezidentinin son çıxışlarında münasibətlərin nizamlanması və Ermənistan-Türkiyə dəmir yolunun açılması ilə bağlı danışıqlara başlamağın mümkünlüyünü görürük. Burada Rusiya, ABŞ, AB, Çin və Hindistan da maraqlıdır.

Paşinyan həmçinin qeyd edib ki, İran və Gürcüstanla müzakirələr zamanı da regional əlaqələrin inkişafı və Şimal-Cənub nəqliyyat dəhlizi proqramının həyata keçirilməsi xüsusi yer tutur.

“İran və Rusiya ilə dəmir yolu əlaqəsi qurmaq da son dərəcə vacibdir. Komunikasiyaların açılması məsələsi artıq üçtərəfli Ermənistan-Rusiya-Azərbaycan formatında müzakirə olunur”.

Nikol Paşinyan çıxışı zamanı həmçinin Azərbaycanla delimitasiya və demarkasiya proseslərini gündəmin ən vacib məsələsi kmi qeyd edib.

Bizim.Media