Roman Bağdasaryan: “Qarabağ klanının bütün saraylarını sökmək lazımdır”

Erməni jurnalist, bloger Roman Bağdasaryan Ermənistanda Qarabağ klanının nümayəndələrinin dəbdəbəli villalarının sökülməsinə çağırıb.

Bizim.Media xəbər verir ki, o, bu barədə Telegram kanalında yazıb.

“İki il əvvəl deyirdilər ki, Göyçə gölü ətrafındakı bütün qanunsuz tikililər sökülməyə başlayıb. İndi nə oldu? Nə üçün onların əksəriyyəti hələ də sökülməyib? Bu işlə nazir Romanos Petrosyan məşğul olub.

Qanunsuz tikililər arasında Qaqik Çarukyanın, keçmiş nazir Seyran Ohanyanın, Robert Köçəryanın oğlunun və digər pullu şəxslərin mülkləri var. Bəlkə əvvəlcə gölün yaxınlığındakı Çarukyanın qanunsuz tikililərini sökək, sonra İsa peyğəmbərin heykəli haqda düşünək?
Yoxsa heç bir söküntü yoxdur. Bu sadəcə bir tamaşadır. 

Siyahıda qanunsuz sayılan və sökülməli olan tikililərin 3 faizi belə 2 ildir ki, sökülməyib.
Zənginlərin və Qarabağ klanının nümayəndələrinin bütün saraylarını sökməyə və bundan qorxmamağa çağırıram”, - deyə o yekunlaşdırıb.

Bizim.Media