İrəvanda polkovnik işdən çıxarıldı – Oğlu müdafiə nazirinə orta barmağını göstərib

Ermənistanın müdafiə naziri Suren Papikyan bir neçə həftə əvvəl Dilicana gedərkən xoşagəlməz vəziyyətə düşüb. Yanacaqdoldurma məntəqəsinin əməkdaşı nazirə orta barmağını göstərib.

Bizim.Media xəbər verir ki, bu barədə informasiyanı erməni KİV-i yayıb.

Nazirin göstərişi ilə yanacaqdoldurma məntəqəsinə polis gəlib və oğlanı həbs edib. Daha sonra nazir həbs edilən şəxsin atasının Müdafiə Nazirliyinin polkovniki Qrayr Atoyan olduğunu öyrənib. Dərhal onun vəzifədən azad edilməsi barədə əmr verilib və yerinə polkovnik Vigen Simonyan təyin edilib.
Erməni mətbuatı şikayət edir ki, Papikyan Müdafiə Nazirliyi sisteminə daxil olandan sonra vaxtilə dərs keçdiyi abituriyentlərə zabit rütbələri verir. 

Onlardan biri polkovnik Armen Seyranyanın oğludur. Yeri gəlmişkən, Seyranyan 2021-ci ildə Paşinyanın istefası tələbinə imza atanlardan biridir, lakin oğlu bir vaxtlar Suren Papikyandan dərs aldığından bu imza ona bağışlanıb.

Bizim.Media