“Şuşada keçirilən qurultayın “Zəfər qurultayı” adlandırılması mütərəqqi məna daşıyır” - Spiker 

“Dünya Azərbaycanlılarının V Qurultayının Şuşada keçirilməsi Zəfər qurultayı adlandırılması mütərəqqi məna daşıyır”.  

Bizim.Media xəbər verir ki, bu fikirləri Milli Məclisin bu gün keçirilən plenar iclasında spiker Sahibə Qafarova səsləndirib.  

Spiker fikirlərinin davamında Azərbaycanın Cənubi Qafqazın lider ölkəsinə çevrildiyini də diqqətə çatdırıb:  

“Qeyd etmək lazımdır ki, Qurultay Azərbaycan Respublikasının Cənubi Qafqazın lideri dövlətinə çevrildiyini, Azərbaycan xalqı öz sözünü qəbul etdirən mütəşəkkil qüvvə kimi formalaşdığını və daim öz dövlətini dəstəklədiyini nümayiş etdirdi. Azərbaycan bölgənin geosiyasi və geoiqtisadi mənzərəsini müəyyən edən güc mərkəzi kimi bu gün dünyanın diqqətini öz üzərinə cəlb edib”.  

Murad Əhmədov, Bizim.Media