Ağciyər xərçənginin gözlənilməz simptomları açıqlandı

Qoltuq altındakı yumru və ya şişkinlik ağciyər xərçəngini göstərə bilər.

Bizim.Media xəbər verir ki, bu barədə “Cancer Research UK” təşkilatı məlumat yayıb.

Təşkilatın araşdırmasına görə, xüsusilə qoltuqaltı və ya boyundakı bu cür təzahürlər xəstəliyin limfa düyünlərinə təsir etdiyinə işarə ola  bilər.

Eyni zamanda, limfa düyünlərinin infeksion xəstəliklər fonunda da böyüyə biləcəyi bildirilib.

"Həkiminiz sizi müayinə etməyincə və bəzi testlər aparana qədər şişin əmələ gəlmə səbəbindən əmin ola bilməzsiniz", - deyə təşkilat xəbərdarlıq edib.

Ağciyər xərçənginə daha az rast gəlinən simptomlar arasında barmaqdakı son falanqaların qalınlaşması, udma çətinliyi və ya yutarkən ağrı, səsin azlığı, üz və ya boyun şişməsi, davamlı sinə və ya çiyin ağrısı da var.

Bizim.Media