Çağatay sevgilisi ilə toyda - FOTO

Məşhur aktyorlar Çağatay Ulusoy və Aslıhan Malbora qatıldıqları toy mərasimindəki səmimi və romantik anları ilə sosial şəbəkələrdə diqqət mərkəzinə düşüblər.

Bizim.Media xəbər verir ki, son olaraq "Eşref Rüya" serialında rol alan Çağatay Ulusoy məclisə bir müddətdir birlikdə olduğu həmkarı Aslıhan Malbora ilə qatılıb.
 

Cütlüyün toyda birlikdə vaxt keçirdiyi və xoş anları sosial şəbəkə istifadəçiləri tərəfindən lentə alınaraq "X" platformasında paylaşılıb. Görüntülər qısa müddətdə geniş müzakirələrə səbəb olub.

Qeyd edək ki, "Kübra" serialında birlikdə rol alan cütlük münasibətlərini adətən gözlərdən uzaq yaşamağa üstünlük verir.

Xatırladaq ki, bir müddət əvvəl "Eşref Rüya" serialının reytinq səbəbindən deyil, çəkiliş meydançasına Aslıhan Malboranın tez-tez gəlməsi səbəbindən bitdiyi barədə iddialar yayılmışdı. Malbora isə bu iddiaları rədd edərək, serialın finalı ilə onun şəxsi həyatı arasında heç bir əlaqə olmadığını vurğulamışdı.