"Batal Hacı" təriqətinin üzvü saxlanıldı: Qətldə və dələduzluqda ittiham olunur - VİDEO

İnquşetiyadan Moskvaya gətirilən və həbs edilən Maqomed Mutsolqovun işi ilə bağlı yeni detallar məlum olub. 

Bizim.Media xəbər verir ki, o, Rusiyada terror təşkilatı kimi tanınaraq fəaliyyəti qadağan edilən Batal-Hacı Belxoroyevin ardıcılları icmasının "döyüş qanadı"nın üzvü hesab olunur.

İstintaq Komitəsinin versiyasına görə, M.Mutsolqov öz qohumlarından ibarət "qardaşlıq dəstəsi" ilə birlikdə paytaxtın daşınmaz əmlak bazarında dələduzluq sxemlərində iştirak edib.

Qruplaşmanın fəaliyyəti bununla bitməyib; cinayət əməlləri əmlak sahiblərinin oğurlanması və qətlə yetirilməsi ilə nəticələnib.

Qeyd edək ki, istintaqdan yayınmağa çalışan Mutsolqov daha əvvəl üçüncü mərtəbədəki pəncərədən tullanıb, lakin aldığı xəsarətlərdən sağaldıqdan sonra xəstəxanadan qaçaraq yoxa çıxıb. 

Hazırda onun cinayət işi üzrə araşdırmalar davam etdirilir.


Bizim.Media